 |
ХУЖАМБЕРДИЕВ Мамазаир
Ўзбекистон Республикаси Олий Мажлиси Сенатининг Фан, таълим, маданият ва спорт масалалари қўмитаси раиси.
1967 йилдан 1997 йилгача – Андижон давлат тиббиёт институти фармакология кафедрасининг лаборанти, тадқиқотчи толиби, фармакология кафедрасининг ассистенти, анатомия кафедрасининг катта лаборанти, факультатив терапия кафедрасининг ассистенти, терапия кафедрасининг ассистенти, доценти, ички касалликлар 2- кафедрасининг доценти, ўқув ишлари бўйича проректор, гематологик даволаш факультатив ва госпитал терапия кафедрасининг мудири. 1997 йилдан 2010 йилгача – Андижон давлат тиббиёт институтининг ректори.
2009 йил 27 декабрдан – халқ депутатлари Андижон вилоят Кенгашининг депутати. «Адолат» ЎзСДП аъзоси.
1944 йил 5 февралда Марҳамат туманида туғилган. Олий маълумотли. 1967 йилда Андижон давлат тиббиёт институтини шифокор мутахассислиги бўйича тамомлаган.
2006 йилда «Ўзбекистон мустақиллигига 15 йил» эсдалик нишони билан мукофотланган, 2004 йилда «Ўзбекистон Республикасида хизмат кўрсатган соғлиқни сақлаш ходими» фахрий унвони берилган.
